Avropa İttifaqının xarici işlər naziri Kaja Kallas bildirib ki, qurum Rusiyaya qarşı ABŞ-ın artıq tətbiq etdiyi sanksiyalara bənzər ikinci dərəcəli sanksiyalar tətbiq etməyi düşünür.
"Biz yeni tədbirlər paketi üzərində işləyirik və bir neçə variant masadadır. Təbii ki, enerji sektoruna qarşı istənilən sanksiyalar və amerikalılar tərəfindən tətbiq edilənlər kimi ikinci dərəcəli sanksiyalar ən çox Rusiyaya zərbə vuracaq", - o, cümə günü Aİ müdafiə nazirlərinin qeyri-rəsmi görüşündən əvvəl Kopenhagendə jurnalistlərə deyib.
Bundan əlavə, Kallasın sözlərinə görə, “Rusiyanın kapitala çıxışına ciddi əngəl törədən maliyyə məhdudiyyətləri” nəzərdən keçirilir.
Bu həftənin əvvəlində Bloomberg mənbələrə istinadən xəbər verib ki, Aİ ölkələri Rusiyaya qarşı ikinci dərəcəli sanksiyaları 19-cu sanksiya paketinə daxil etməyi nəzərdən keçirirlər.
XQ
