Bizi Telegram-da da izləyə bilərsiniz:@xqazeti
Pekində keçirilən danışıqlar zamanı Çin lideri Si Cinpin ABŞ Prezidenti Donald Trampa Taybeyin suverenliyi Tayvan boğazında sülhü mümkünsüz etdiyini bildirib.
Məlumatı TASS verib.
Çin Mərkəzi Televiziyası Çin liderinin sözlərini sitat gətirərək bildirib: “Tayvanın müstəqilliyi və Tayvan boğazında sülh bir-biri ilə inkar edir”.
Si Cinpin qeyd edib ki, adanın taleyi ABŞ-la münasibətlərdə mərkəzi məsələdir. O, Vaşinqtonun bu məsələdəki səhv mövqeyinin ikitərəfli münasibətləri son dərəcə təhlükəli vəziyyətə sala biləcəyini iddia edib.
Pekin Tayvanı ÇXR-in ayrılmaz hissəsi hesab edir və “vahid Çin” prinsipinə riayət etmək digər dövlətlər üçün məcburi tələbdir. Amerikanın Taybeyə silah satışı Çin və ABŞ arasında dialoqda ən mübahisəli məsələlərdən biri olaraq qalır .
P.ƏMİRCANOV
XQ
