Bakı Fotoqrafiya Evində azərbaycanlı keramika ustası Mir Teymur Məmmədov və iordaniyalı istedadlı sənətçi Mərvan Əhməd Tavahanın keramika üzrə duet-simpoziumunda hazırlanmış əsərlərindən ibarət sərginin açılışı baş tutub.
Hər iki heykəltaraşlar öz əsərlərini Bakıda geniş ictimaiyyətə təqdim ediblər.
İordaniyalı sənətkar Mərvan Əhməd Tavahan ilk dəfədir ki, Bakıdadır. O qeyd edib ki, Bakının, xüsusən də onun tarixi hissəsi olan İçərişəhərin gözəlliyi onu heyran edib.
Simpoziumda “İçərişəhər” Dövlət Tarix-Memarlıq Qoruğu İdarəsinin sədri Rüfət Mahmud, İordaniyanın Azərbaycandakı səfiri Ömər Əl-Nahar, görkəmli qrafika ustası, Xalq rəssamı Arif Hüseynov, Bakı Rəsm Qalereyasının direktoru Eldəniz Babayev, eləcə də media qurumlarının nümayəndələri iştirak ediblər.
Qeyd edək ki, sərgi 3 iyula qədər davam edəcək.
XQ
