Ədliyyə Nazirliyi və Səhiyyə Nazirliyi “Respublika Qan Bankı”nın birgə təşkilatçılığı ilə talassemiyalı və hemofiliyalı xəstələrə yardım məqsədilə 5-8 avqust tarixlərində ədliyyə işçilərinin qanvermə aksiyası keçirilir.
Nazirlikdən XQ-yə verilən məlumata görə, qanvermə 8 avqust tarixində Nazirliyin aparatında davam etdirilib və aparatın əməkdaşları könüllü donorluq edərək qan xəstəliklərindən əziyyət çəkənlərin müalicəsinə töhfə veriblər.
