“Qarabağ” komandasının UEFA Çempionlar Liqasının Liqa mərhələsindəki oyunlarının təqvimi bəlli olub.
UEFA-nın rəsmi saytında verilən məlumata görə, Ağdam təmsilçisi ilk matçını sentyabrın 16-da Portuqaliyada “Benfika”ya qarşı keçirəcək. İlk ev görüşü isə oktyabrın 1-də “Kopenhagen”ə (Danimarka) qarşı olacaq.
“Köhlən atlar” oktyabrın 22-də “Atletik Bilbao” (İspaniya) ilə səfərdə, noyabrın 4-də isə “Çelsi” (İngiltərə) ilə Bakıda qarşılaşacaq. Noyabrın 25-də “Napoli”nin (İtaliya) qonağı olacaq ağdamlılar dekabrın 10-da öz meydanlarında “Ayaks”ı (Niderland) qəbul edəcəklər. Azərbaycan çempionu 2026-cı il yanvar 21-də “Ayntraxt Frankfurt”u (Almaniya) Bakıda qəbul edəcək yanvarın 28-də isə bu mərhələnin sonuncu oyununda “Liverpul”un (İngiltərə) qonağı olacaq.
Qabil YUSİFOĞLU
XQ
