“Astara” dövlət sərhədindən buraxılış məntəqəsi vasitəsilə İrandan təxliyə prosesi davam edir.
AZƏRTAC-ın bölgə müxbiri xəbər verir ki, Tehranda tibb sahəsi üzrə təhsil alan 16 Hindistan vətəndaşı olan tələbə sərhədi keçərək Azərbaycan ərazisinə daxil olub.
Bundan əlavə, 3 Tacikistan vətəndaşı və Rusiyanın 1 vətəndaşı da müvafiq sənəd yoxlanışı və digər prosedurlar həyata keçirildikdən sonra sərhəd-keçid məntəqəsindən keçərək təhlükəsiz şəkildə Azərbaycan ərazisinə buraxılıb.
Hazırda təxliyə prosesi aidiyyəti qurumların nəzarəti altında davam etdirilir.
