2025-ci ilin yanvar-iyun aylarında Şərq – Qərb nəqliyyat dəhlizinin Azərbaycan hissəsi üzrə yük dövriyyəsinin həcmi 3,292 milyard tonkilometr təşkil edib. Bu da əvvəlki ilin eyni dövrü ilə müqayisədə 42,3 milyon ton-kilometr və ya 1,3 faiz çoxdur.
Dövlət Statistika Komitəsinin məlumatına görə, Şərq – Qərb nəqliyyat dəhlizi üzrə yük dövriyyəsinin 2,117 milyard ton-kilometr hissəsini tranzit yüklər təşkil edib. Bu isə ötən ilin ilk 6 ayındakı göstəriciyə nisbətən 36,9 milyon ton-kilometr və ya 1,8 faiz artım deməkdir.
Yeri gəlmişkən, cari ilin birinci yarısında Azərbaycan ərazisindən keçən dəhlizlər çərçivəsində dəmir yolu və dəniz nəqliyyatı ilə yük daşımalarından 260,804 milyon manat gəlir əldə olunub. Bu göstərici ötən ilin eyni dövrü ilə müqayisədə 15,4 milyon manat və ya 5,6 faiz azdır.
