Dekabrın 21-də Nizami Kino Mərkəzində Azərbaycanda müxtəlif dinlərin nümayəndələri arasında mövcud olan birgəyaşayış və tolerantlıq ənənələrini əks etdirən “Harmoniya” sənədli filminin təqdimatı keçiriləcək.
XQ xəbər verir ki, film Azərbaycan Respublikasının Dini Qurumlarla İş üzrə Dövlət Komitəsi, tabeliyindəki Mənəvi Dəyərlərin Təbliği Fondu və Bakı Media Mərkəzinin birgə layihəsidir.
Sənədli film Azərbaycanda dinlərarası harmoniyanın təbliği məqsədilə hazırlanıb. Sənədli ekran əsərində ölkəmizdə multikulturalizm ənənəsinin gündəlik həyatdakı təzahürləri real insan hekayələri ilə təqdim edilir, cəmiyyətimizdə tolerantlıq, qarşılıqlı hörmət və multikultural dəyərlərin mövcudluğu izləyiciyə çatdırılır.
.jpg)
