Rusiya Ukraynanın dörd vilayətinin inzibati sərhədlərini tam nəzarətə götürmək tələbindən imtina edib. Bu barədə Türkiyənin xarici işlər naziri Hakan Fidan məlumat verib. Onun sözlərinə görə, Moskva hazırda yalnız Donbas bölgəsi ilə bağlı mövqeyini qoruyur.
Nazir bildirib ki, hazırda ilkin razılaşmaya əsasən, Rusiyaya Donetskin qalan 25–30 faizinin verilməsi, Zaporojye və Xerson vilayətlərinin isə mövcud cəbhə xətti üzrə saxlanılması nəzərdə tutulur. Fidanın sözlərinə görə, Rusiya tərəfi bu şərtlərin icrasına zəmanət verməyə hazırdır.
Türkiyə XİN rəhbəri bu vəziyyəti “çərçivə sazişi üçün əla əsas” adlandırıb və bildirib ki, əldə olunan razılıq gələcək danışıqlar prosesində mühüm rol oynaya bilər.
XQ
