Suriyanın sabitliyi birbaşa Türkiyənin təhlükəsizliyi ilə bağlıdır və bu istiqamətdə atılan hər bir addım regionda sülhün təmin olunmasına töhfə verir. Bunu Türkiyə Milli Təhlükəsizlik Nazirliyinin nümayəndələri həftəlik brifinq zamanı bildiriblər.

Məlumatı “Anadolu” verib. 

Müdafiə Nazirliyi Ankaranın Suriya hökumətinin ölkəsinin birliyini və bütövlüyünü qorumaq üçün gördüyü istənilən addımı dəstəkləməyə hazır olduğunu vurğulayıb: “Türkiyə əmindir ki, Suriya separatçı ünsürlərin güclənməsinin qarşısını alaraq, ölkənin ərazi bütövlüyü və suverenliyini təmin edəcək mərkəzləşdirilmiş idarəetmə modeli vasitəsilə sabitliyə nail olacaq”.

Qeyd olunub ki, avqustun 13-də Ankara ilə Dəməşq arasında imzalanmış müdafiə sahəsində əməkdaşlıq haqqında Memorandum çərçivəsində Suriya Silahlı Qüvvələrinin potensialının gücləndirilməsinə yönəlmiş təlim və məşvərət tədbirləri həyata keçirilir.

“Bu baxımdan Türkiyə Suriyanın istəklərinə uyğun olaraq yaradılması planlaşdırılan təlim mərkəzlərinin təşkilində lazımi dəstəyi verəcək”, - nazirlik qeyd edib.

P.ƏMİRCANOV
XQ