Rumıniyanın şərqindəki Qalati şəhərində pilotsuz uçuş aparatı (PUA) yaşayış binasına çırpılıb.
Bu barədə Rumıniya Müdafiə Nazirliyi məlumat yayıb.
Bildirilib ki, Rusiyaya məxsus PUA-nın binaya çırpılması nəticəsində partlayış baş verib və mənzillərdən birində yanğın başlayıb, iki nəfər xəsarət alıb. Təxminən 70 sakin binadan təxliyə edilib.
PUA-nın Ukrayna ərazisindən sərhədi keçdiyi qeyd olunub. Rumıniyanın iki F-16 qırıcı təyyarəsi dərhal havaya qaldırılıb və pilotlara hədəfləri vurmaq səlahiyyəti verilib.
Qeyd edək ki, Qalaç şəhəri Ukraynanın Dunay çayı üzərində yerləşən limanlarına yaxın ərazidə yerləşir. Həmin limanlar son dövrlərdə mütəmadi olaraq Rusiya hücumlarının hədəfinə çevrilir.
XQ
