Məşhur “Divanü lüğət-it-türk” əsə­rinin müəllifi, XI əsrin tanınmış filoloq və leksioqrafı Mahmud Kaşğarinin adı­nı daşıyan Beynəlxalq Fond tərəfindən Türkiyənin Tokat vilayətinin Reşadiye rayonunda açılan kitabxanaya 600 kitab hədiyyə edilib. 

Fondun prezidenti, Azərbaycan Milli Məclisinin deputatı Cavanşir Feyziyevin dəstəyi, eləcə də türkiyəli yazıçı-ədəbiyyat­şünas, rəssam Selvigül Şahinin vasitəçiliyi ilə hədiyyə olunan kitablar Reşadiyenin ən ucqar kəndlərindən olan Demirçilidə oxu­culara təqdim edilib.

Zəfər Bayramı münasibətilə açılan, Demirçili Bələdiyyəsinin nəzdində fəaliy­yət göstərəcək kitabxanaya hədiyyə edilən nəşrlər arasında Azərbaycan və ümumtürk ədəbiyyatı, mədəniyyəti, dili və tarixini əhatə edən nümunələr, eləcə də dünya ədə­biyyatı, bədii oxu materialları, riyazi bilik­lər və məntiqi zəkanı inkişaf etdirən kitab­lar yer alır.

Açılış mərasimində Demirçili Bələdiy­yəsinin sədri Mustafa Şahin çıxışında kita­bxananın rayonun mədəni-maarif həyatına önəmli töhfə verəcəyini bildirib. Çıxışın­da nəqliyyat vasitələrinin belə çətinliklə hərəkət etdiyi, yüksək dağlıq ərazidə ya­şayan soydaşları üçün kitabxana qurmaq təşəbbüsünə yaxından kömək göstərənlərə və qardaş Azərbaycan ziyalılarına minnət­darlığını bildirib. Qeyd olunub ki, Mahmud Kaşğari adına Beynəlxalq Fond tərəfindən hədiyyə edilən nəşrlər arasında “Azərbay­candan Analoduya axan türkcə”, “Türkiyə­ni yoğuranlar”, “Türk xalqları ədəbiyyatı” kimi kitabların olması özü də “Bir millət, iki dövlət” kəlamının bariz nümunəsidir. 

Onu da deyək ki, yeni açılan kitabxa­nada ən böyük otaqlardan biri Azərbaycana həsr edilib.

XQ