Bizi Telegram-da da izləyə bilərsiniz:@xqazeti 

Türkiyə Xarici İşlər Nazirliyi 19 mayda Yunanıstanda baş verən “Pont” mövzusu ilə bağlı açıqlamaları və hadisələri sərt tənqid edib.

Məlumatı “Anadolu” verib. 

Nazirlik qeyd edib ki, Türkiyə Cümhuriyyətinin qurucusu Mustafa Kamal Atatürkün Samsuna gəldiyi və bununla da türk xalqının Yunanıstan da daxil olmaqla işğalçı qüvvələrə qarşı Milli Azadlıq Mübarizəsinin başlanğıcını qeyd etdiyi 19 may 1919-cu il tarixi ölkədə Atatürk, Gənclik və İdman Günü kimi qeyd olunur.

Xarici İşlər Nazirliyi Afinanın Pont haqqında iddialarla bağlı 1994-cü ildə qəbul edilmiş qanunvericilik vasitəsilə Türkiyəyə qarşı “əsassız ittihamlar”ına işarə edib. Təəssüflə qeyd edilib ki, oxşar hekayələr Yunan məktəblərində də tədris olunur.

Bəyanatda deyilir: “Yunanıstan tarixdən siyasi məqsədlər üçün istifadə etməyi dayandırmalıdır”.

Xarici İşlər Nazirliyi bildirib ki, Afina Pontla bağlı fərziyyələri canlandırmaqla Yunanıstanın həmin dövrdəki məğlubiyyətini, eləcə də Anadoludakı hərbi kampaniya zamanı törətdiyi vəhşilikləri “gizlətməyə” çalışır.

P.ƏMİRCANOV
XQ