Bizi Telegram-da da izləyə bilərsiniz:@xqazeti
NATO müttəfiqləri ABŞ-ın İrana qarşı genişmiqyaslı hərbi kampaniyasının yüksək texnologiyalı silahların, o cümlədən hava hücumundan qoruyan raketlərin tədarükünə təsir göstərməyə başlamasından getdikcə daha çox narahatdırlar. Alyansın müdafiə nazirləri çərşənbə axşamı günü istehsalın artırılması ilə bağlı ehtiyacı müzakirə etmək üçün görüşürlər.
Məlumatı “Euronews” verib.
ABŞ ordusu bahalı “Patriot” havadan və raketdən müdafiə sistemlərinin əhəmiyyətli hissələri də daxil olmaqla, külli miqdarda yüksək keyfiyyətli sursat xərcləyir. Pentaqonun 12 mayda açıqladığı rəqəmlər göstərir ki, İrandakı müharibə ABŞ ordusuna 29 milyard dollardan çox ziyan vurub və bunun sonu görünmür.
NATO müttəfiqləri alyansın təhlükəsizliyinin əsasını təşkil edən müasir silahların Amerika ehtiyatlarının tükənməsinə uyğun olaraq kifayət qədər tez bərpa oluna bilməməsindən narahatdırlar.
Bu sammitdə bütün 32 üzv ölkənin hərbi liderləri Rusiyanın davam edən təhdidləri fonunda arsenalların sürətlə tükənməsinin NATO-nun kollektiv imkanlarına və çəkindirmə potensialına necə təsir edə biləcəyini müzakirə edəcəklər.
P.ƏMİRCANOV
XQ
