Bizi Telegram-da da izləyə bilərsiniz:@xqazeti

Avropa İttifaqının xarici işlər naziri Kaya Kallas Kiyevə gecə ərzində ən azı 18 nəfərin ölümünə və onlarla insanın yaralanmasına səbəb olan kütləvi hava hücumlarından sonra Rusiyanın hərbi-sənaye kompleksini hədəf alan yeni sanksiyaların cümə axşamı günü açıqlanacağını açıqlayıb.

Məlumatı “Euronews” yayıb. 

Kallas X-də yazıb: “Bu gün mən bu hücumlara cavab olaraq Rusiya hərbi-sənaye kompleksini dəstəkləyən yeni qurumlara qarşı sanksiyalar təklif edəcəyəm. Moskva mülki əhaliyə nə qədər çox hücum edərsə, bir o qədər çox sanksiya tətbiq edilməlidir. Rusiya qalib gələ bilməyəcəyini anlayana qədər təzyiqi artırmağa davam edəcəyik”.

Hücum Ukrayna ordusunun paytaxta yaxınlaşan ballistik raketlər barədə xəbərdarlıq etməsindən sonra baş verib. Ukrayna Prezidenti Volodimir Zelenski çərşənbə günü Rusiyanın yaxınlaşan hücumu ilə bağlı kəşfiyyat məlumatlarına istinad edərək Dublinə səfərini yarımçıq qoyub. 

P.ƏMİRCANOV
XQ