ABŞ-ın Azərbaycandakı səfirliyi 2026-cı il futbol üzrə Dünya Çempionatına biletləri olan şəxslərin viza müsahibəsinə prioritet qeydiyyat həyata keçirəcək.
Bu barədə səfirliyin “X” sosial şəbəkəsindəki hesabında paylaşım edilib.
Paylaşımda deyilir: “FIFA Dünya kuboku–2026 oyunlarını izləmək məqsədilə bu il ABŞ-a səfər edəcək bilet sahibləri üçün xoş xəbər – ABŞ vizası üçün prioritet görüş imkanı təqdim edirik! Əgər bileti birbaşa FIFA-dan almısınızsa, indi FIFA PASS proqramına qoşula bilərsiniz”.
Qeyd edək ki, futbol üzrə Dünya Çempionatı 2026-cı ilin iyun–iyul aylarında ABŞ, Meksika və Kanadanın 16 şəhərində keçiriləcək. Matçların əksəriyyəti ABŞ-da oynanılacaq.
Qabil YUSİFOĞLU
XQ
