“Mart ayından başlayan tikinti işləri əsasən pit və komanda binalarında qrafik üzrə davam etdirilir”. Bunu jurnalistlərə açıqlamasında Bakı Şəhər Halqasının tikinti şöbəsinin meneceri Sübhan Manafzadə “Formula 1” üzrə Azərbaycan Qran-prisinə hazırlıq çərçivəsində media-tur zamanı deyib.
O, bir sıra yeniliklər olduğunu vurğulayıb: “Avqustda ümumi trekin tikinti işlərinə başlamağı planlaşdırıq. Nəqliyyatın hərəkətinə maneə yaratmamaq üçün vaxtı maksimum qısaltmağa çalışmışıq. Ümumilikdə, fərqli sahələr üzrə işlərə 1500-1700 insan cəlb olunub. Beton səddlərin 60 faizi yeni sistemlə əvəz olunub. Bu bizə imkan verəcək ki, trekin tikintisini ötənilkindən daha tez başa çatdıraq”.
Qeyd edək ki, Azərbaycan Qran-prisi sentyabrın 19-21-i aralığında baş tutacaq.
M.HACIXANLI
XQ
