Türkiyə təhlükəsizlik mənbələrindən alınan məlumata görə, İraqda ölkənin təhlükəsizlik qüvvələrinə hücumdan sonra MİT Suriyada PKK-YPG terror təşkilatının nəzarətində olan hərbi, kəşfiyyat, enerji infrastruktur obyektlərinə, eləcə də bu təşkilatda “məsul vəzifələr” tutan şəxslərə qarşı hücumlar həyata keçirib. Məlumatı “Anadolu” yayıb.
MİT-in Suriyadakı əməliyyatı nəticəsində 5 kritik infrastruktur obyekti, 3 nəzarət nöqtəsi, 8 hərbi mövqe, 2 silah-sursat anbarı, 2 logistika anbarı, 2 texniki avadanlıq anbarı və PKK/YPG terror təşkilatının tunellərin inşasında istifadə etdiyi bir avtomobil də daxil olmaqla ümumilikdə 23 hədəf məhv edilib.
Əməliyyatların nəzərdə tutulan məqsədlərə çatana qədər davam edəcəyi bildirilir.
P.ƏMİRCANOV
XQ
