Bizi Telegram-da da izləyə bilərsiniz:@xqazeti 

Poma papası Pentikost bayramına həsr olunmuş bayram ayinini qeyd edərkən moizəsinin mərkəzində bir daha sülh durub. 

Məlumatı “Euronews” verib. 

Papa XIV Leo Pentikost bayramını bəşəriyyətin “müharibənin şərindən” xilas olması üçün dua ilə qeyd edib. Pasxa dövrünü başa vuran mərasimdə Vatikandakı Müqəddəs Pyotr Bazilikasında 5000-dən çox insan toplaşıb.

Papa liturgiyada bəyan edib: “Gəlin ürəklərimizlə dua edək ki, Dirilmiş Müqəddəs Ruh bizi supergüclər tərəfindən deyil, sevginin qüdrəti ilə məğlub edilən müharibənin şərindən xilas etsin”. 

Xristian təqvimində ən vacib bayramlardan biri olan Pentikost Pasxadan sonrakı 50-ci günə təsadüf edir. Xristianlar inanırlar ki, həmin gün Müqəddəs Ruh həvarilərin və Məryəm Ananın üzərinə od dilləri şəklində enib. Bundan sonra imanlarında güclənən həvarilər müxtəlif dillərdə danışmağa başlayıblar və bu da onlara Allahın Kəlamını bütün dünyada təbliğ etməyə imkan verib. Buna görə də Pentikost bayramı həm də Xristian Kilsəsinin doğum günü hesab olunur.

P.ƏMİRCANOV
XQ