Ermənistan Milli Assambleyasının sədri Alen Simonyan "Factor TV"yə verdiyi müsahibədə Rusiyanın Ermənistana qarşı tətbiq etdiyi iqtisadi məhdudiyyətləri şərh edib və Rusiya Federasiyasını yanlış yolla getməməyə çağırıb.
"EDnews"un məlumatına görə, spiker: "Mən bir dostyana məsləhət vermək istəyirəm: onların (Rusiya tərəfinin – red.) seçdiyi bu fəaliyyət tərzi Ermənistanda işə yaramayacaq və əks-effekt verəcək. Onları keçmişdə etdikləri eyni səhvləri təkrarlamamağa çağırıram", — deyə bildirib.
Bununla yanaşı, Simonyan qeyd edib ki, Ermənistan münasibətlərin gərginləşməsini istəmir, lakin sanksiyalar davam edəcəyi təqdirdə öz iqtisadi xarakterli problemlərini həll edəcək və edə biləcək gücdədir.
XQ
