Albaniyanın Tirana şəhərində Azərbaycan–Albaniya iqtisadi, sənaye və texnoloji əməkdaşlıq üzrə İşçi Qrupunun ilk iclası keçirilib.

Energetika Nazirliyinin mətbuat xidmətinin məlumatına görə, iclas­dan əvvəl İşçi Qrupunun həmsədrləri, Azərbaycanın energetika naziri Pərviz Şahbazov və Albaniyanın Baş naziri­nin müavini – infrastruktur və energe­tika naziri Bellinda Balluku arasında ikitərəfli görüş olub.

Görüşdə iki ölkə arasında müxtəlif sahələrdə əməkdaşlıq əlaqələrinin in­kişafına dair fikir mübadiləsi aparılıb.

İşçi Qrupunun iclasında ölkələra­rası münasibətlərin inkişafında döv­lət başçılarının rolundan, xüsusən də Azərbaycan Respublikasının Prezi­denti İlham Əliyevin Albaniyaya və Albaniyanın Baş naziri Edi Ramanın Azərbaycana səfərlərinin əhəmiyyə­tindən bəhs edilib. İşçi Qrupu çərçivə­sində birgə fəaliyyət və bu əməkdaşlıq formatının Hökumətlərarası Komissiya statusuna yüksəl­dilməsi planı, Tiranada Azər­baycan səfirliyinin fəaliyyətə başlaması ilə bağlı siyasi qərar Azərbaycan-Albaniya əlaqələrini dərinləşdirmək niy­yətinin təzahürü kimi qeyd olu­nub.

Energetika naziri Pərviz Şahbazov bildirib ki, Azər­baycan və Albaniya Avropa ölkələrinin enerji təchizatının diversifikasiyasında və enerji təhlükəsizliyinin təminatında strateji rol oynayan TAP layihəsinin üzvləridir. Cənub Qaz Dəhlizinin genişlənməsi, Azərbaycanın dəstəyi ilə yerli qaz­paylayıcı sistemin qurulması TAP-ın Albaniya üçün faydalarını artıracaq perspektivlərdir: “Korça şəhərinin qaz­laşdırılması layihəsi ilkin texniki-iqti­sadi əsaslandırılma mərhələsindədir. Qaz şəbəkəsinin qurulacağı təqdirdə nəinki ölkənin enerji balansı şaxələnə­cək, həm də Balkan regionunun enerji təhlükəsizliyinin gücləndirilməsində birgə iştirak edəcəyik. Həmçinin SO­CAR-ın Albaniyada fəaliyyətinə və enerji əməkdaşlığımıza töhfə verəcək bir sıra yeni layihələr üzrə də hazırda intensiv məsləhətləşmələr aparılır”.

“Xalq qəzeti”