Ermənistanın Azərbaycana qarşı hərbi təcavüzü nəticəsində sülh və insanlıq əleyhinə cinayətlər, müha­ribə cinayətləri, o cümlədən təcavüz­kar müharibənin hazırlanması və aparılması, soyqırımı, müharibə qa­nunlarını və qaydalarını pozma və­digər çoxsaylı cinayətlər törətməkdə təqsirləndirilən Ermənistan Respub­likasının vətəndaşları Arayik Harut­yunyan, Arkadi Qukasyan, Bako Sahakyan, Davit İşxanyan, David Babayan, Levon Mnatsakanyan və digərlərinin barəsində olan cinayət işləri üzrə açıq məhkəmə prosesinin baxış iclası avqustun 18-də davam etdirilib.

Bakı Hərbi Məhkəməsində ha­kimlər Zeynal Ağayevin sədrliyi ilə, Camal Ramazanovdan və Anar Rza­yevdən ibarət tərkibdə (ehtiyat hakim Günel Səmədova) keçirilən məhkəmə iclasında təqsirləndirilən şəxs Bako Sahakyanın vəkili müdafiə etdiyi şəxslə konfidensial şəkildə görüşmək, təqsirləndirilən şəxs Arayik Harutyun­yanın vəkili isə müdafiə etdiyi şəxslə məhkəmə zalında telefonla danışmaq istədiyini bildirib.

Sədrlik edən hakim müdafiəçilərin vəsatətlərini təmin edərək telefon danı­şığı və konfidensial görüş keçirilməsi üçün məhkəmədə fasilə elan edib.

Fasilədən sonra məhkəmə iclası zərərçəkmiş şəxslərin və zərərçəkmiş­lərin hüquqi varislərinin ifadələri ilə davam etdirilib. Eldar Həsənovun oğlu Namiq Həsənov ifadəsində atasının 1992-ci il fevralın 26-da Xocalıda Er­mənistan silahlı qüvvələrinin hücumu nəticəsində şəhid olduğunu söyləyib. Məzahir Məmmədov Laçın rayonu­nun Oğuldərə kəndindən məcburi köç­kün düşdüyünü bildirib. Onun qardaşı Pənah Məmmədov 1993-cü ildə Ağ­damda döyüşlər zamanı itkin düşüb.

Çingiz Alməmmədov söyləyib ki, Laçının işğalı zamanı top atəşləri nəti­cəsində atası İdris Alməmmədov, qar­daşı Ehtiram Alməmmədov, qardaşının həyat yoldaşı Mahirə Alməmmədova və qardaşının körpə övladı həlak olub­lar. Nuran Qasımov bildirib ki, Vətən müharibəsində və 2021-ci ildə Laçında şərti sərhədin yaxınlığında yaralanıb. Onun qardaşı Teymur Qasımov isə 2016-cı ilin Aprel döyüşləri zamanı şə­hid olub. Hidayət Cahangirov 2020-ci il oktyabrın 12-də, Sərvin Cavadzadə isə oktyabrın 15-də Cəbrayıl istiqamə­tində yaralandığını deyib. 

Vüqar Fərəcov Xankəndidə ya­şadığı evin 1988-ci ildə ermənilər tərəfindən talan olunduğunu, nəticədə doğmaları ilə birlikdə məcburi köçkün düşdüyünü bildirib. Şakir Orucov ifa­dəsində 1992-ci ilin may ayında Laçın rayonunun Qorçu kəndindən məcburi köçkün düşdüyünü bildirib. Ermənis­tan silahlı qüvvələrinin hücumu nəticə­sində qardaşı oğlu Bərdədə şəhid olub. Fazil Səmədov qardaşının 1993-cü ilin mart ayında Ermənistan silahlı qüv­vələri ilə döyüşlər zamanı itkin düşdü­yünü bildirib.

Ramin Xəlilov Xocavənd rayonun­da 2005-ci və 2007-ci illərdə yaralandı­ğını söyləyib. Bəhruz Qurbanov deyib ki, 2016-cı il aprelin 3-də Tərtərdə ya­şadığı evə və sahibkarlıq təsərrüfatına zərər dəyib, özü isə yaralanıb. Fehruz Bayramov 1993-cü il avqustun 23-də Cəbrayıl rayonundan məcburi köçkün düşdüyünü deyib. Taleh Əliyev 1993-cü ildə Füzuli rayonunun Zərgər kən­dindən məcburi köçkün düşdüyünü bildirib. Əmisinin iki oğlu öldürülüb.

Əli Cəfərov Xankəndidən 1991-ci ildə məcburi köçkün düşdüyünü, atası Şərif Cəfərovun Kərkicahanda düşmə­nin hücumu nəticəsində xəsarət aldığı­nı söyləyib. Mayıl Şirinov ifadəsində bildirib ki, 1993-cü il oktyabrın 24-də atası, iki qardaşı və dayısı Cəbrayıl rayonunda itkin düşüb. Bəsti Hacı­yeva Cəbrayıl rayonunun Dağ Tumas kəndindən, Sücahət Həziyeva rayonun Xələfli kəndindən məcburi köçkün düşdüyünü deyiblər. Rüxsarə Piriye­va və Vüqar Hacıyev də 1993-cü ildə Cəbrayıldan məcburi köçkün düşdük­lərini söyləyiblər. Sürəyya Niftəliyeva ailə üzvləri ilə birlikdə Zəngilan rayo­nundan məcburi köçkün düşdüyünü söyləyib.

Xuraman Muradova 1992-ci ildə Laçın rayonundan məcburi köçkün düşdüyünü söyləyib. Bundan sonra Goranboy rayonunun Ballıqaya kən­dinin ərazisində məskunlaşıb. O bil­dirib ki, Ermənistan silahlı qüvvələri 1992-ci il avqustun 28-də həmin kəndə hücum edərək qətliam törədib. Bu za­man 24 nəfər azərbaycanlı, o cümlədən 6 aylıq körpə və yaşı 100-dən yuxarı olan şəxs qətlə yetirilib. Kifayət Quli­yeva 1990-cı illərdə yaşadığı Ağdərə rayonunun Vəngli kəndindən məcburi köçkün düşüb.

Nailə Hüseynova ifadəsində həyat yoldaşının 1991-ci il mayın 20-də qətlə yetirildiyini, özünün isə Cəbrayıl rayo­nunun Çullu kəndindən məcburi köç­kün düşdüyünü deyib. Oktay Əmirov, Dilafət Rəsulov, Qoşqar Rəsulov, Sə­lim Mehdiyev, Pərviz Paşayev 1992-ci ildə Laçın rayonundan, Məhəmməd Ağamalıyev 1992-ci ildə Kəlbəcər ra­yonundan, Niyazi Məmmədov, Mahir Aslanov 1992-ci ildə Ağdərə rayo­nundan, Təranə Yusifova 1993-cü ildə Ağdam rayonundan məcburi köçkün düşdüklərini bildiriblər.

Zərərçəkmişlər təqsirləndirilən şəxslərin və onların nümayəndələrinin suallarını da cavablandırıblar.

Məhkəmə prosesi avqustun 21-də davam etdiriləcək.

XQ