ABŞ dövlət katibi Marko Rubio Vatikan rəhbəri Papa XIV Lev ilə görüş keçirib. Görüş zamanı tərəflər Vaşinqton və Vatikan arasında son dövrdə yaranmış fikir ayrılıqlarını, o cümlədən İran ətrafındakı müharibə məsələsini müzakirə ediblər.
Məlumata görə, ABŞ Prezidenti Donald Tramp ilə Roma Papası arasında İranla bağlı mövqelərdə ciddi fərqlər qalmaqdadır. Papa XIV Lev ABŞ-ın İrana qarşı hərbi əməliyyatlarını tənqid edib, həmçinin miqrant və qaçqınların müdafiəsi ilə bağlı çağırışlarını davam etdirib. Bu mövqe Tramp administrasiyasının sərt immiqrasiya siyasəti ilə ziddiyyət təşkil edir.
Vatikan sözçüsü Matteo Bruninin açıqlamasına əsasən, Rubio ilə Papa arasında görüş 45 dəqiqədən çox davam edib. ABŞ dövlət katibi Apostol Sarayında ümumilikdə iki saatdan artıq vaxt keçirib.
Qeyd olunur ki, Roma Papası adətən dövlət və hökumət başçılarını qəbul etdiyindən, Rubio ilə rəsmi formatda keçirilən görüş mühüm diplomatik addım kimi qiymətləndirilir.
S.ELAY
XQ
Bizi Telegram-da da izləyə bilərsiniz: @xqazeti
