Azərbaycanın Almaniyadakı səfirliyinin dəvəti ilə Berlindəki Azərbaycan Mədəniyyət Mərkəzində ilk dəfədir tədbirdə iştirak edirəm. Bu musiqili tədbir çox möhtəşəm keçdi.
AZƏRTAC xəbər verir ki, bu barədə Berlində görkəmli yazıçı Mir Cəlal Paşayevin alman dilinə tərcümə edilmiş seçilmiş əsərlərindən ibarət kitabın təqdimat mərasimində iştirak edən almaniyalı musiqiçi Henri de Vinter media nümayəndələrinə müsahibəsində deyib.
Tədbirdə Mir Cəlalın səsləndirilən hekayələrində çox incə yumor hissinin olduğunu vurğulayan H.Vinter bunun onda böyük maraq oyatdığını qeyd edib. O, bir neçə il əvvəl səfirliyin təşkilatçılığı ilə Azərbaycanla bağlı tədbirdə iştirak etdiyini və orada səsləndirilən klassik musiqimizə heyran qaldığını vurğulayıb: “Azərbaycan çox səxavətli və qonaqpərvər ölkədir. Bu, bugünkü tədbirdə də özünü göstərir. Bu gün burada olmaqdan çox məmnunam. Azərbaycanı salamlayırıq”.
.jpg)
