Azərbaycan ilə Türkiyə bir-birinin məsələlərini yaxından izləyir. Burada ən böyük məsuliyyətlərdən biri də media nümayəndələrinin üzərinə düşür ki, yazılan, deyilən hər sözə həssas yanaşsınlar.
AZƏRTAC xəbər verir ki, bu sözləri Bakıda keçirilən “Türkiyə-Azərbaycan Qardaşlıq Forumu”nda Milli Məclisin deputatı Tənzilə Rüstəmxanlı söyləyib.
Deputat Türkiyədəki 15 iyul hadisələri zamanı Azərbaycan xalqının bu məsələlərə olduqca həssas yanaşdığını və dərindən təsirləndiyini diqqətə çatdırıb. O bildirib ki, Azərbaycan- Türkiyə qardaşlığı Türk dünyası üçün örnəkdir.
