Türkiyə xarici işlər nazirinin müavini Berris Ekinci Tbilisidə Gürcüstanın xarici işlər naziri Maka Boçorişvili ilə görüşüb. Bu barədə Türkiyə Xarici İşlər Nazirliyinin X sosial şəbəkəsində yerləşdirilmiş bəyanatında deyilir.
Məlumatı “Anadolu” verib.
“Nazir müavinimiz, səfir Berris Ekinci Tbilisidə Gürcüstanın xarici işlər naziri Maka Boçorişvili tərəfindən qəbul edilib”, - məlumatda deyilir.
Görüş zamanı Türkiyə-Gürcüstan münasibətləri və regional hadisələrin müzakirə olunduğu qeyd edilir.
P.ƏMİRCANOV
XQ
