ABŞ prezidentinin xüsusi nümayəndəsi Stiv Uitkoff bildirib ki, ABŞ nümayəndə heyəti İran tərəfinə uranın zənginləşdirilməsini on il müddətinə dayandırmağı təklif edib, lakin Tehran bu ideyanı tamamilə rədd edib.
Uitkoff “Fox News”-a bildirib: “Biz onlara on illik zənginləşdirmənin olmamasını və yanacağın pulunu ödəyəcəyimizi təklif etdik. Onlar bunu rədd etdilər, bu da bizə aydın etdi ki, nüvə silahı yaratmaq məqsədləri üçün uranı zənginləşdirməyə davam etməkdən başqa bir şey etmək niyyətində deyillər”.
ABŞ prezidentinin xüsusi nümayəndəsinin sözlərinə görə, İranla danışıqların ikinci mərhələsi zamanı artıq razılığa gəlməyin mümkün olmayacağı aydın idi: “Biz ora onlarla ədalətli bir razılaşma əldə etməyə çalışdıq və bunun, ehtimal ki, ikinci görüşün sonuna qədər mümkün olmayacağı olduqca aydın idi. Amma sonra onlara son bir şans vermək üçün üçüncü görüş üçün geri qayıtdıq”.
P.ƏMİRCANOV
XQ
