NATO-nun Avropadakı Müttəfiq Qüvvələrinin Ali Komandanı Aleksus Qrinkeviç bəyan edib ki, gələcəkdə Amerika Birləşmiş Ştatları Avropanın təhlükəsizliyinin təmin olunmasında əvvəlkinə nisbətən daha az fəal iştirak edəcək və buna görə də Avropa öz müdafiə imkanlarını gücləndirməlidir.

Serbiya Radiosu və Televiziyasına (RTS) verdiyi müsahibədə o, təhlükəsizlik sistemində Avropa ölkələrinin rolunun artmasının vacibliyini vurğulayıb.

"Avropanın təhlükəsizliyinə gəlincə, Amerika Birləşmiş Ştatları bu prosesdə əvvəlki kimi fəal iştirak etməyəcək. Avropa məsuliyyəti öz üzərinə götürməlidir", - o qeyd edib.

Bu bəyanatların fonunda materialda ABŞ Prezidenti Donald Trampın son vaxtlar avropalı müttəfiqlərin ünvanına səsləndirdiyi kəskin fikirlər, o cümlədən onların xarici siyasət və hərbi əməliyyatlarla bağlı mövqelərinə dair tənqidləri də xatırladılır. KİV-in məlumatına görə, o, bir sıra Aİ ölkələrinin İrana qarşı amillərdə iştirakdan imtina etməsindən narazılığını bildirib, həmçinin NATO-nu tənqid edərək alyansı "kağız pələng" adlandırıb.

S.ELAY

XQ