Meksikanın Qvadalaxara şəhərində cüdo üzrə Qran-Pri turnirinin püşkatma mərasimi keçirilib.
Cüdo Federasiyasından XQ-yə bildirilib ki, püşkatmanın nəticələrinə əsasən, Azərbaycan idmançılarının ilk rəqibləri müəyyənləşib.
Yarışda Azərbaycan ümumilikdə 7 çəki dərəcəsində 11 idmançı ilə təmsil olunacaq. Turnirdə 33 ölkədən 231 cüdoçu (142 kişi, 89 qadın) iştirak edəcək.
Qvadalaxara Qran-Prisinin təsnifat mərhələsinin görüşləri bu gün Bakı vaxtı ilə saat 23:00, final bloku isə sabah 04:00-da start götürəcək.
Kişilər
60 kiloqram, 1/8 final
Əhməd Yusifov – İsrael Kruzalta (Meksika)
Balabəy Ağayev – Maksim Merlin (Fransa)
66 kiloqram, 1/16 final
Yaşar Nəcəfov – Georgios Balarcişvili (Kipr)
66 kiloqram, 1/8 final
Ruslan Paşayev – Romarik Vend-Yam Buda (Fransa) / Finley Allan (Böyük Britaniya) cütünün qalibi
73 kiloqram, 1/8 final
Hidayət Heydərov – Valtteri Olin (Finlandiya)
Rəşid Məmmədəliyev – Ulises Mendes (Meksika)
81 kiloqram, 1/16 final
Vüsal Qələndərzadə – Xorxe Peres (Çili)
81 kiloqram, 1/8 final
Zelim Tçkayev – Xose Mariya Mendiola İskyeta (İspaniya) / Hilberto Kardoso (Meksika) cütünün qalibi ilə
90 kiloqram, 1/8 final
Murad Fətiyev – Aaron Santamariya Rodriqes (İspaniya)
100 kiloqram, 1/8 final
Zelim Kotsoyev – İosif Simin (İsrail)
+100 kiloqram, 1/8 final
Uşanqi Kokauri – Marven Qado (Monako)
Qeyd edək ki, turnirə oktyabrın 19-da yekun vurulacaq.
