Bizi Telegram-da da izləyə bilərsiniz:@xqazeti
Türkiyənin xarici işlər naziri Hakan Fidan Moskvaya işgüzar səfərinin ilk günündə bir neçə ikitərəfli görüş keçirməyi və türk biznes nümayəndələri ilə görüşməyi planlaşdırır.
XQ xəbər verir ki, bu barədə TASS-a Türkiyə XİN-dən bildirilib.
Hakan Fidan bu gün Moskvaya səfəri çərçivəsində Rusiya xarici işlər naziri Sergey Lavrovla danışıqlar aparacaq. Həmçinin Rusiya prezidentinin köməkçisi Vladimir Medinski və prezidentin müşaviri İqor Levitini qəbul etməyi və Türkiyənin işgüzar dairələrinin nümayəndələri ilə görüşməyi planlaşdırır.
Türkiyə xarici işlər naziri 16-17 iyun tarixlərində Moskvada səfərdə olacaq. Fidan səfəri zamanı Ankaranın Rusiya ilə Ukrayna arasında yeni danışıqlara ev sahibliyi etməyə və Qara dənizdə təhlükəsizliklə bağlı təklifləri müzakirə etməyə hazır olduğunu təsdiqləyəcək. Gündəliyə həmçinin Cənubi Qafqaz, ikitərəfli münasibətlər və cari beynəlxalq təhlükəsizlik məsələləri daxildir.
