Qazaxıstanın Uralsk şəhərində 1 İyun Uşaqların Beynəlxalq Müdafiəsi Gününə həsr olunmuş kayak və kanoe üzrə beynəlxalq reqata başa çatıb. Yarışa 4 nəfərlik heyətlə yollanan komandamızın bütün üzvləri fəxri kürsüyə yüksəlib.
Azərbaycan Kanoe və Avarçəkmə Federasiyasından verilən məlumata görə, ikinəfərlik kanoe qayığında mübarizə aparan Vaqif Mustafazadə və Fəxri Sadıqlı 200 metr məsafəyə yürüşlərdə 3-cü yer tutublar.
İkinəfərlik kayak qayığında mübarizə aparan Sənan Cəfərzadə və Tahir Mövsümov cütlüyü isə 500 metr məsafədə fəxri kürsünün üçüncü pilləsinə yüksəlib. Sənan və Tahir 200 metr məsafəyə yarışlarda gümüş medala layiq görülüblər.
Qabil YUSİFOĞLU
XQ
