Minifutbol üzrə milli komandamız Bakıda təşkil olunan bir həftəlik təlim-məşq toplanışını uğurla başa vurub. Komanda Avropa çempionatına hazırlıq planı çərçivəsində Monteneqronun Herçeq Novi şəhərinə yollanıb.
Millimiz burada keçiriləcək mini-turnirdə iştirak edərək hazırlıq mərhələsini yekunlaşdıracaq.
Yeri gəlmişkən bu gün minifutbol üzrə Azərbaycan millisinin Avropa çempionatının final mərhələsindəki rəqibləri müəyyənləşəcək. Slovakiyanın paytaxtı Bratislavada start götürəcək tədbir Bakı vaxtilə saat 20:00-da başlanacaq. Yığmamız püşk öncəsi 1-ci səbətdə – Slovakiya, Rumıniya, Qazaxıstan, Bolqarıstan, Serbiya komandaları ilə birlikdə yer alıb.
Qeyd edək ki, minifutbol üzrə Avropa çempionatı 27 may – 4 iyun tarixlərində Slovakiyanın paytaxtı Bratislavada keçiriləcək.
Qabil YUSİFOĞLU
XQ
