Bizi Telegram-da da izləyə bilərsiniz:@xqazeti
Donald Tramp administrasiyası cümə axşamı Kuba Prezidenti Migel Dias-Kanel, həyat yoldaşı və daha üç nəfərə qarşı sanksiyalar tətbiq edib. Bu, Vaşinqtonun Havana rəhbərliyinə təzyiqi artırmaq üçün atdığı son addımdır.
Məlumatı “Eurinews” verib.
ABŞ Dövlət katibi Marko Rubionun imzaladığı bəyanata görə, sanksiyaya məruz qalanlar “rejimə, onun ABŞ-da və dünyada radikal inqilabi hərəkatları səfərbər etmək səylərinə rəhbərlik edir və ya maliyyələşdirirlər”.
Bu addım Havanada dərhal qınaqla qarşılanıb və Prezident Dias-Kanel deyib: “Bu siyasi korluq son həftələrdə ölkəmizə qarşı görülən və Kuba xalqına zərər vermək məqsədi daşıyan cəza tədbirlərini tamamlayır”.
Sanksiyalara Kubanın keçmiş lideri Raul Kastro və Vilma Espinin yeganə oğlu Alexandro Kastro Espin də məruz qalıb.
P.ƏMİRCANOV
XQ
